عائشہ عاصم شاعری ،Ayesha Aasim poetry

اللّٰہ سے ملاقات 

تھی وہ ملاقات انجان سی

سچی تھی پر لگتی مجھے بے ایمان سی

تھی وہ ملاقات یا تھا وہ کوئی خواب

ایسا لگا اللّٰہ نے بات کی مجھ سے اس رات

مجھ سے سوال پوچھا مجھ سے ملنے کیوں نہیں آتے ہو

میرے بلانے پر مسجد کیوں نہیں جاتے ہو

اذان کو سن کر نماز پڑھنے کیوں نہیں آتے ہو

میں تمہاری ہر بات سنتا ہوں

تم میری چند باتیں نہیں سن سکتے ہو

مجھ سے ملنے آتے ہو اتنی جلدی کیوں چلے جاتے ہو

صرف مصیبت کے وقت ہی کیوں میرے پاس آتے ہو

صرف خوف میں ہی مجھے کیوں بلاتے ہو

کبھی بنا مطلب کے بھی آیا کرو

ملاقات کے بہانے کی مجھ سے مل جایا کرو 

ساری دنیا کو چھوڑ کر

کبھی مجھ سے ملاقات کرنے آ جایا کرو

از۔عائشہ عاصم،لاہور